طرح شركات الجيش في البورصة.. ماذا قال السيسي خلال افتتاح مصنع الغازات الطبية؟

الرئيس عبدالفتاح السيسي

المصرية|كتب- محمد نصار: افتتح الرئيس عبدالفتاح السيسي، اليوم الخميس، مصنع الغازات الطبية والصناعية رقم 3، التابع لشركة النصر للكيماويات الوسيطة إلى جانب مصنع إنتاج غاز فوق أكسيد الهيدروجين، بحضور عدد من الوزراء والشخصيات العامة وقادة القوات المسلحة ورئيس مجلس النواب. واستمع الرئيس السيسي إلى شرح تفصيلي عن عمل مصنع الغازات الطبية والصناعية، خلال جولة تفقدية داخل المصنع، بحضور الدكتور علي عبدالعال، رئيس مجلس النواب، والدكتور مصطفى مدبولي رئيس مجلس الوزراء، وعدد من الوزراء والمسؤولين.

ووجه السيسي، رسالة شكر وتقدير للقائمين على إنشاء مصنعي الغازات الطبية والصناعية وفوق أكسيد الهيدروجين: “كل الشكر والتقدير ليكم”، متابعًا: “إحنا كمصريين لازم نعرف إن القوات المسلحة لما تقوم بالدور ده مش على حساب القطاع الخاص أو المدني بالعكس ده بالشراكة معاه، هنا بنتكلم على مصانع خاصة بالشركة دي، لكن كل القطاع المدني شغال في مصانع القوات المسلحة”.

وأكد الرئيس: “يعمل في الشركات دي عشرات الآلاف من المصريين، يا ترى الصوب الزراعية اللي اتعملت دي تفتكروا لما يكون فيه 10 آلاف فدان صوب زراعية كام شاب وفتاة هيشتغلوا فيهم؟ ده اللي يهمنا إن ندي للناس أمل في التغيير وتوفير فرص العمل، القطاع الخاص مرحب به للشراكة في كل اللي بنقول عليه ده”.

وتابع الرئيس: “الدولة المصرية تسير في خطة طرح عدد من الشركات والأصول الحكومية في البورصة المصرية منذ 3 سنوات، شغالين في موضوع الطرح في البورصة من 3 سنين لكن لسه منزلش الحجم المناسب، قولنا الطروحات اللي الدولة المصرية بتجهزها لطرحها في البورصة لا بد يكون فيه فرصة منها لشركات القوات المسلحة، لازم الشركات دي تدخل البورصة ويبقى فيه فرصة للمصريين يكون لهم أسهم في هذه الشركات، ونفتح باب المشاركة المجتمعية في هذه الشركات”.

ورحب الرئيس بمشاركة القطاع الخاص في المشروعات التي تتولاها القوات المسلحة: “القطاع الخاص مرحب بيه عايز يشارك ده متاح، وده مش كلام سياسة، أنت مش هتدخل في دراسات جدوى وتراخيص، كل ده خلصان، ننزل شركات قطاع الأعمال أو الشركات دي علشان ندي فرصة أكبر للمصريين للمشاركة”.

وأوضح الرئيس أنه سيتم افتتاح الكثير من المشروعات خلال الفترة المقبلة: “عاوز أقول إننا هنشتغل، المفروض فيه افتتاحات كثيرة خلال الفترة اللي فاتت، لأ إحنا هنفتتح كل مشروعاتنا على طول، واللي هيزعل يتفلق، نيجي نقول مين عمل الكلام ده؟، مش مهم”.

وتابع: “لو سمحتم خلال الأسبوعين ثلاثة اللي جايين؛ لو قولتولي كل يوم أو يوم بعد يوم.. أنا جاهز، طيب الساعة خمسة الصبح ما يجراش.. مش هنسيبهم يؤذوا الروح المعنوية للمصريين ويخوفوهم”.

وحذر الرئيس السيسي من محاولات التشكيك في الدولة ومؤسساتها من قبل أعداء الوطن: “لو سمحتوا اقفوا لأجل خاطر بلدكوا وأبنائكوا وأحفادكوا، اقفوا مظبوط وواجهوا مظبوط مش لصالح حد، لأجل خاطر ربنا قبل كل شئ، ولأجل أهلنا وولادنا محدش أبدًا يكسر معنوياتهم وفي آمالهم ويشككهم وتتبني حالة من التشكك وتزيد يوم بعد يوم”.

شارك الخبر معانا

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

مصر وألمانيا تحققان تبادلا تجاريًا بقيمة 3.6 مليار دولار

المصرية| محمد أبو سبحة قال وزير التجارة والصناعة المهندس عمرو نصار إن حجم التبادل التجاري ...