كشفتوا ضهركم.. 19 رسالة من السيسي للمصريين في الندوة التقيفية للقوات المسلحة

الرئيس عبدالفتاح السيسي

المصرية|كتب- محمد نصار: شهد الرئيس عبدالفتاح السيسي، اليوم الأحد، الندوة التثقيفية الـ31 للقوات المسلحة، بمناسبة الذكرى الـ46 لانتصارات أكتوبر، بحضور عدد من الوزراء والشخصيات العامة وأعضاء مجلس النواب.

ووجه الرئيس السيسي مجموعة من الرسائل خلال الندوة التثقيفية كما يلي:

– لما اتفقت معاهم (القوات المسلحة)، وقالولي تترشح قولت مستعد أترشح، بس أنتم هتشتغلوا زي ما أنا عايز.

– والله العظيم اللي اتعمل بواسطة الجيش في مصر فوق الخيال ويتكتب في التاريخ إن في جيش قام ببلد مع الحكومة علشان تطلع للأمام، ضيعنا كتير أوي خلال السنين اللي فاتت وكنا متأخرين أوي.

– وأنا في نيويورك متعملش عمل إرهابي لمدة أسبوعين، علشان كان في دعوات للتظاهر.

– إحنا من سنتين قولنا لازم نستعيد السيطرة على سيناء في 3 أشهر، أتصور بمتابعة ما يحدث أن حجم السيطرة والاستقرار الأمني تحسن كتير أوي مقارنة بالفترة دي.

– إحنا مهجرناش حد، اللي عملناه في سيناء كان عندنا بيوت ومزارع ملاصقة للحدود مع قطاع غزة، وكان لازم نخلي المزارع والبيوت دي، طيب بلا مقابل؟ لأ بمقابل، بنشوف المتر بكام واتفضل الفلوس أهيه.

– لما تتكلم عن موضوع المياه في مصر لازم تبقى ملمين بتفاصيل الموضوع، كنت في مؤتمر مع حد، بيقولوا مثلًا لازم تزود بطاقة التموين 1000 جنيه للفرد.. قولتله كويس، إنت عارف الـ10 جنيه تكلف كام، تكلف 8.5 مليار جنيه في العام.

– خلي الحوار اللي بينا يبقى ثري، يبقى الموضوع عند كل طرف متكامل وواضح علشان لما تقولي كلام أقولك يالا نعمله، اللي يقعد معايا يبقى عارف القضية كويس، علشان يقولي كلام لو وافقته عليه وأنا مش فاهم هنلغبط الدنيا، لكن لو بيقول مقترح فعلًا بالدراسة القوية مفيد أنا معاه.

– أنا مطمن أوي، حد يقولي ليه؟ طيب أنتم بتصدقوا إن في حد يقدر يخدع ربنا، طيب يا ترى ربنا بيساعد المفسد ولا الصالح، هوا مطلع على مصر وأهلها إنهم يسعون في الصلاح والتنمية والبناء والتعمير.

– لو مفيش 2011 كان عندنا فرصة للتوافق على بناء سد النهضة وكل الاشتراطات لتحقيق المصلحة لمصر وإثيوبيا، ولن يكون الأمر أحادياً.

– في 2011 كان هيكون فيه اتفاق قوي وسهل لإقامة السد، لكن لما البلد اتكشف ضهرها وعرت كتفها فأي حاجة تتعمل.. ولو مخدتوش بالكم هيتعمل أكتر من كده.

– لازم نوجد حل في أزمة سد النهضة، إحنا واخدين بالنا من نفسنا أوي مش في المياه بس، ودي القضية اللي إحنا محتاجين نشرحها للناس، فكر الدولة مختلف تمامًا عن فكر الإنسان اللي ماشي في الشارع.

– الدولة بتحل تحديات بتقابلها على مستوى قومي ووطني، كنا بنقول هنحل الكهرباء إزاي من 3 سنوات، قسمًا بالله اللي اتعمل فيكي يا مصر ما يتعمل في 20 أو 30 سنة، اللي هيحاسبني عليه، والله والله والله، حقي هاخده عند ربنا.

– مصر دخلت مرحلة الفقر المائي وفق المعدلات العالمية، حيث وصل نصيب الفرد إلى 500 م3.

– خدنا قرار الحد الأدنى للأجور 2000 جنيه في رمضان الماضي، على أن ينفذ القرار في شهر يوليو.. وبمراجعة التطبيق وجدنا أن بعض الجهات لم تنفذ القرار، طيب الفلوس موجودة؟ طبعًا مش هنعمل حاجة إلا لما نكون جاهزين ليها.

– مش هقول سر، اتفقت مع رئيس وزراء إثيوبيا على الالتقاء في موسكو للحديث في موضوع سد النهضة، والتحرك نحو الأمام علشان نحل المسألة دي بشكل أو بآخر.

– والله كله يزول إلا مصر، كلنا نزول إلا مصر، لو سلامة المصريين 100 مليون مرتبطة بيا أنا، ياه ده أنا أرخص تمن يتقدم، لكن أنتم 100 مليون إنسان وإنسانة من غير ما تقصدوا تضيعوهم هتضيعوهم، ربنا إدانا نموذج شوفوه، اللي بيحصل هنا وهنا مش باعتداء مباشر ولكن بإيد أهل البلد.

– اللي تدخل في سوريا وممكن ييجي يتدخل في مصر، لن يحدث ذلك إلا بضعفنا، لكن بقدرة الجيش اللي موجود في مصر، والله لا يستطيع أحد، طيب حد يفكر كده يقرب من مصر، عمومًا إحنا كويسين.

– أتابع خلال الفترة الماضية تعليقات فيسبوك على موضوع سد النهضة، وإحنا مبالغين جدًا في الموضوع.

– أي حاجة سهلة إلا إن أنتم يا مصريين تضيعوا بلدكم، مين اللي يقوم بالدور ده إحنا اللي نعمل ده في بلدنا ومش واخدين بالنا إننا بنعمل كده.

شارك الخبر معانا

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

حظر طائرات «ماهان» الإيرانية من التحليق في سماء هذه الدول

حظرت السلطات الإيطالية، رحلات شركة طيران «ماهان» الإيرانية، من التحليق في سمائها، بحسب صحيفة «لاستامبا».وأوضحت الصحيفة الإيطالية، أن إيطاليا منحت